كشفت صفحة “رابطة مصر المحروسة بالكويت”، تفاصيل دهس مواطن مصري في الكويت بالسيارة بعد شجاره مع بعض المواطنين الكويتيين، وذلك عبر صفحتها على موقع التواصل الاجتماعي “فيس بوك”.
ونشرت في صفحتها: “الكويتيون كانوا عايزين يشتروا جهاز بعدين اتخانقوا مع البياع سبوه بأهله ضربوه وبعدين مشيوا جابوا صحابهم حوالي 15 واحد وواحد مستني بسيارته بره وبعدين نزلوا من ممر جنب المحل دخلوا كسروا المحل وعوروا كل اللي فيه بجروح في الراس وبعدين طلعوا من المجمع”.
وتابعت الصفحة: “طلع وراهم مصريين ومسكو اتنين منهم قام صاحبهم اللي بالسيارة معدي الطريق بالمخالف ودخل شال الناس اللي واقفة وكان بينهم أحمد موظف بمجمع الرحاب، اتدهس وفضل يروح ويرجع على جثمانه كذا مرة وواحد كمان مصري، أحمد توفي، والتاني كسر في الحوض وكسور في باقي الجسم ومحجوز في المستشفى”.
وواصلت الصفحة قائلة: “أنا أعرف اللي اتوفى وكان طيب جدا وربنا يارب يصبر أهله فيه فيديوهات كتير للموضوع وعايزين يطلعوا الواد وفيه ناس كويتيين عندهم ضمير قالوا متسكتوش على حقه وشوفوا ناس تشهد ولازم الموضوع يكبر عشان ميطبخش”.
