قالت الفنانة الاستعراضية سما المصري لموقع “دوت مصر”، الثلاثاء، “استبعدوني من الانتخابات.. فالناس منزلتش”.
وأضافت سما “ده مش كلامي على فكرة.. ده كلام الناس في الشارع.. فيه منهم اللي قالولي: “ده ذنبك”، وفيه ناس قالت “لو سما نزلت كانت الناس نزلت طبعا”، موضحة “هم بيهزروا.. بس ده كلام بيتقال على الفيس بوك فعلا.. وأنا شفته بنفسي”.
وأشارت سما المصري إلى أنها لن تسكت على حقها في دخول البرلمان في المرحلة الثانية، وأنها تقدمت بطعن على أمل الالتحاق بالمرحلة الثانية “دا حقي ومش هسيبه”.
واستطردت المصري “على أي أساس حكموا على سلوكي؟ عشان الكليبات اللي بعملها بلبس فيها قصيّر؟ وخالد يوسف مابيعمل أفلام فيها عري وبوس ومشاهد خارجة؟ أنا عملت إيه أكتر من المشاهد التي قدمها في أفلامه؟ إلهام شاهين وليلى علوي ماعملوش أفلام فيها عري وكانوا في لجنة الخمسين؟”.
ولم تمارس سما المصري حقّها الانتخابي، وقالت “محدّش مالي عيني من المرشحين في دايرتي، والناس منزلتش عشان الوشوش هي الوشوش، مفيش تغيير، إحنا عايزين وجوه جديدة، نشعر معها بثقة ورغبة حقيقية في التغيير”.
وكانت دائرة الانتخابات بالمحكمة الإدارية العليا، برئاسة المستشار أحمد أبو العزم، قضت باستبعاد الفنانة سما المصري من الانتخابات البرلمانية، وقبول الطعن المقام من المحامي سمير صبري لاستبعادها، ﻻفتقادها شرطي الثقة واﻻعتبار وحسن السمعة.
تعليق واحد
بخصوص الفنانة الاستعراضية سما المصري ياريت ياخدوا بخاطرها ويدخلوها الانتخابات والشعب يقرر ان كان تفوز او لا الا ليست هذه هي الديمقراطية التي خرج من اجلها المصريين بغض النظر عن مهنتها مادمت لم تؤذي مشاعر الاخرين ومسسموح به في مصر. انا مع قبول ترشحها والشعب يقرر. من ناحية اخري هل لو تقدم الزبال للترشح سيرفض ايضا مع احترامي وتقديري لهم هنا التحدي الاكبر للحكومة.