نشرت الناشطة السياسية سناء سيف أول تدوينة لها بموقع التواصل الاجتماعي “فيس بوك” بعد قرار العفو الرئاسي الذى أصدره الرئيس عبد الفتاح السيسي.
وقالت سناء: “فعلا كان نفسي أول بوست ميبقاش نكد. مليش في النكد وجو الولولة عادة بتيجي معايا بغضب. بس المرة دي مختلفة، لو قلت إني مش فرحانة أبقى بحور أنا مخضوصة وفرحانة. فرحة وسخة، فرحة فيها ذل لأن مع كل تفصيلة بسيطة مش موجودة جوا زي إني أشرب شاي في كوباية إزاز أو أبص للسما أو أرغي مع الناس براحتي أو أمسك موبايل.. في إحساس بالذنب رهيب”.
وأضافت: “سلوى لسا جوا سبناها في العنبر لوحدها عشان غلطة إملائية كنا فاكرينها هتتصلح على طول..سلوى بقالها 3 أيام (في العيد) مقفول عليها لوحدها وأكيد دماغها بتسوحها”.
وتابعت: “ناهد وكالوشة وممدوح وعم مؤمن كمان لسا جوا بس على الأقل مفيش حد منهم أعد لوحده وموقفهم واضح هيخرجوا بس مسألة وقت. مش زي سلوى متعلقة ومش عارفين.. بعد ما خرجت أكتشفت بالصدفة إن أنا كمان أسمي أتكتب غلط في الجريدة الرسمية بس عادي خرجت منغير أي حوارات. ليه عشان النمرة محتاجة “الناشطة سناء سيف” تولع الإجرائات بس سلوى عادي لو اتركنت كام يوم هتعدي”.
واختتمت سناء تدوينتها قائلة: “على فكرة التفرقة مش من عند العرص بس لأ دي فينا أصلا ودا اللي كسرني، وكل حد طالع بيا السما وجدعة والهري دا أبوس أيديكوا أفصلوا: أنا سبت سلوى لوحدها في العنبر وخرجت”.
