وجه اللواء حسام سويلم، الخبير العسكري والاستراتيجي، رسالة إلى الرئيس عبدالفتاح السيسي، تعليقًا على الانفجارات التى وقعت مؤخرًا يطالبه فيها برفض اى مصالحة مع جماعة الإخوان المسلمين,وتوجيه ضربات قاسمة لهم قائلاً:حتى لو كان فيه ناس أبرياء وهيضروا مش مهم”..
وقال سويلم، في مقابلة تليفزيونية على قناة «النيل»، مساء الأربعاء: «شيل من مخك خالص كلمة مصالحة مع الإخوان لأن كلمة مصالحة يعني تنازل يعني ضعف، ودول لا ينفع معهم إلا قول المولي عز وجل، وأظن مفيش حكم أكتر من حكم المولى عز وجل”.
وتابع: “ده كلام بوجهه لسيادة الرئيس السيسي المولى عز وجل بيقولك إيه سيادة الرئيس: (وإما تخافن من قوم خيانة فانبذ إليهم على سواء)”.
وبرر سويلم رأيه: “مش ده في القرآن ولا كلامي، والخيانة ثبتت أكتر من مرة، يعني اضرب على سواء حتى لو كان فيه ناس أبرياء وهيضروا مش مهم، و(سواء) تحمل معنى إن فيه ناس هتتظلم مش مشكلة، وده اللي عمله هارون الرشيد مع البرامكة في العصر العباسي”
كما تساءل: “خايف من إيه حقوق الإنسان؟ حرية الرأي؟ الديمقراطية؟ الكونجرس هيعملي إيه؟ كارتر هيسحب اللجنة بتاعته ما ينحرقوا بجاز، هما بيأكلونا ولا بيشربونا”، معتبرًا أن “القضية أمن البلد”.
