تداول نشطاء علي مواقع التواصل الاجتماعى فيديو للكاتب الصحفي مصطفي بكرى يخرج عن شعوره وينفعل في مرة من المرات القليلة التي ينفعل فيها بكرى .
وجاء هذا الانفعال بسبب الضعف الشديد للإقبال علي الانتخابات الرئاسية حيث قال بكرى: احنا في حالة حرب .. ونسبة المشاركة هي عنوان , و إلا فأنا أقولها بكل وضوح : البلد ستدخل في مشاكل كبيرة جدا .
وأضاف بكرى : إذا موصلناش للنسبة اللي تخلي الخونة اللي برة والخونة اللي جوة يتلموا البلد د هتدخل في مشاكل كبيرة وبقول للشعب المصري يتحمل مسؤوليته من الان .
وأردف بإنفعال : لو كل واحد هيقاطع ويقول انا ماليش دعوة يبقي خلينا نبقي زي ليبيا اللي جمبكم أو سوريا اللي جمبكم وبقول لأي واحد مبينزلش الانتخابات : انت بتدي قبلة الحياة للإرهابيين وبتدي أمريكا والغرب مبرر أنهم يستاءلوا عن حقيقة 30 يونيو.
وتابع : عندي سؤال مهم المشير لما نادي علي الناس يوم التفويض نزل له 40 مليون شخص .. ما الذي حدث منذ هذا اليوم حتي الان جعل مواقف المصريين تتغير؟ مع أن الرجل لم يكن يحكم بل كان وزير في الحكومة ودة معناه أن فيه حاجة غلط في الاداء اللي شوفناه الفترة اللي فاتت ومش مستعدين ولادنا يتشردوا ولا الارهاب يقوي تاني .
ونادى بهسيتريا شديدة: إطلعوا واللي ميطلعش خاين خاين خاين ويبيع البلد دي وأيا كانت المبررات .. اطلع وابطل صوتك بل اطلع وشارك؟ انا نفسي افهم ازاي اب يسيب اولاده وميخليهمش ينتخبوا؟
عن المصريون
