تداول نشطاء على مواقع التواصل الاجتماعي مقطع فيديو للإعلامي محمود سعد يصف فيه رئيس الأمن الوطني الأمريكي بأنه ينتمي لجماعة “الإخوان المسلمين”، في أحدث حلقات الهجوم على المسئولين في الإدارة الأمريكية لرفضها الاعتراف بـ “الانقلاب العسكري”، بعد اتهامات في السابق للرئيس باراك أوباما نفسه بأنه ينتمي للجماعة، وأن أخاه غير الشقيق مسئولها بإفريقيا.
وقال سعد مخاطبًا المشاهدين عبر قناة “النهار”: “تصوروا إن في البيت الأبيض في واحد من الإخوان! أنا مش مصدق إنه رئيس الأمن الوطني هناك.. صورته طبعا إخوان واخد الختم بوشهم المصفر ده.. ودقنهم اللي مش متربية أوي.. دي هم هم.. هاتوا صورته والنبي؛ هم لهم سحنة كده”.
وأضاف: “ازاي المخابرات الأمريكية مش عارفة إن ده بيشجع حماس ومع الإرهاب؛ آدي البيت الأبيض في واحد إخواني؛ عشان بقولكم احنا بنواجه حرب قذرة عالمية وفي عناصر من خارج مصر”. وتابع: “يعني غير مستبعد إن الراجل ده بيخطط مع المخابرات الأمريكية لضرب مصر؛ ده مشوار طويل بقى نبقى نشرحه لكم في حلقة كاملة.. الأمريكان عايزين حكم إسلامي والإرهاب يبقى كله بيحكم”.
