كلمات حسين راشد
ليه يا حبيبتي .. ما بينا دايماً قلق
نعدي بحر .. نلاقي غيره انفلق
هو أحنا ضلينا الطريق!!!؟؟؟
ولا انكتب .. نبقى حكاية ع الورق
ليه يا حبيبتي ما بينا دايماً قلق
أنا وأنتي .. واحد!!؟ فتت
و جرتنا المتاهة ..وراها
وعنقودنا أصبح .. جتت
متبعترين على السكك
ليه يا حبيبتي ما بينا دايما قلق
لما النسيم بيدور في عيوني
أستنشقك وطن
بعدي بيكي فراقي واللي باقي
نتلاقا .. نتعاتب .. نتحاكا
نلعن سنين الزهق
ليه يا حبيتي .. ما بينا دايماً قلق
ما بقتش زي زمان ..عاشق؟
ولا انتي بقيتي!!
في لحظة كلامي سكات
وانتي ولا رديتي
اخبط دماغي في الهوا
ألقاني في المفترق
ليه يا حبيتي ما بينا دايما قلق
محتاجلك قوي وأكيد .. محتاجالي
ما أصل الحلم أتبني .. على كل جدراني
منقوشة حروفك .. مدى
وحتى اصراري
ما قبلش يوم ينسرق
ليه يا حبيتي ما بينا دايماً قلق
أكتب .. وسن القلم مقصوف
أحسب تاريخ الهوى .. بحروف
مالي خلا القمر مخسوف مكسوف
هو اللي صبرني
وأعوذ برب الفلق
ليه يا حبيبتي ..ما عدناش القلق
